Anggitan: Dr. Lili Suparli, M.Sn
https://youtu.be/9KQD0TDyv54?si=PXI_LvvyaRQgzdWT
Insan satukebing langit
Kiwari pating jarerit
Katarajang ku berewit
Nyatana hiji kasakit
Teu mangrupa lir dedemit
Gampang tepa hese leungit
Nyebar ka mancanagara
Tumerap ka nusantara
Balukarna mawa lara
Bandingan limpas sagara
Matak geunjleung sa nagara
Rahayat katalangsara
Gejed lengkah keur lumampah
Kapaksa nya tunda lengkah
Sanajan nataku seunggah
Teu bisa nyiar kipayah
Dikungkung umah di imah
Ukur pasrah jeung sumerah
Dipahing pacampur baur
Antukna jauh jeung dulur
Ukur tepung sambung catur
Nu tilar patutur-tutur
Matak keueung jeung tagiwur
Lir hirup teu boga batur
Sangkan gancang pulih deui
Nagara manjing walagri
Jimatna papada surti
Sakabeh pangeusi nagri
Sing sabar sanajan numpi
Bari iman ka illahi
Lian tumut ka nu agung
Oge nurut ka papayung
Sangkan urang henteu linglung
Omat ulah rek adigung
Panyaram lain pangungkung
Dipalar wabah kabendung
Aamiin ya robalalamin
Mugi Allah nyubadanan
Posting Komentar