Dongeng Desa Kadatuan Kec. Garawangi Kab. Kuningan

Desa Kadatuan, Kec. Garawangi, Kab. Kuningan

Oleh: Euis Karmila

sangitaharmoni.com- Desa Kadatuan nyaeta salah sahiji desa di Kec. Garawangi anu mibanda mitos atawa dongeng anu kungsi kacaturkeun ka masarakatna. Nu kacaturkeun salah sahijina istilah dina ngaran Desa Kadatuan. Hiji waktu, para sesepuh atawa tokoh masarakat ngariung keur nangtukeun ngaran desa. Aya tilu pilihan ngaran desa, hasil usulan Bapa Econ anu jadi pupuhu di desa. Ngaran tilu desa eta nyaeta Cihurip, Cirahayu jeung Kadatuan. Pemilihan na nyaeta ku cara dikoclok ngaran desa nu geus ditulis dina kertas. Dina waktu dikoclok nu kaluar ngaran teh, geus tilu kali dikoclok nu kaluar Kadatuan wae. Antukna nu dipilih nyaeta Kadatuan, jeung kabeneran oge Pa Econ ngusulkeun ngaran kadatuan karena salah sahiji pangeran Cirebon nu namina Pangeran Jaya Kedaton. Karena ka inspirasi tina pangeran jaya kedaton nu sumping ka desa ieu, antukna ngaran ‘’Kadatuan’’ asal muasal kecap ti ‘’Kedaton’’.

Dina hiji carita Pangeran Jaya Kedaton di Cirebon keur aya peperangan, tuluy kabur, nyamuni di hutan larang, anu ayeuna di sebutna Desa Kadatuan. Katelah Desa pangluhungna, Kadatuan mibanda tokoh anu kasohor nyaeta Pangeran Kusumah, Parta Wijaya Kusumah, Adi Wijaya Kusumah anu makam-makamna aya di Gunung Kuta Menur. Aya deui oge Pangeran Singasraya incu buyutna Singaderempak anu dongkapna ti Luragung.

Kadatuan anu asalna pamekaran ti Desa Cirukem, mibanda mitos-mitos nu aya di kalangan masarakatna nyaeta desa nu dikulilingan ku makam keramat, salah sahiji na makam nu aya di masjid Alun-alun Desa Kadatuan, saumpama aya nu ngadoa atau jaroh didinya, kapercayaan masarakatna yen kahayang nanaon bisa kacumponan. Sabagian masarakat aya nu percaya jeung henteu percaya kana hal eta. Ngadua dimakam, lain hartina musrik, jadi dianggapna ngadua ditempat nu suci.

Desa Kadatuan, Kec. Garawangi Kab. Kuningan

Kadatuan mah teu mibanda kasenian, baheula aya gembyung oge asalna ti Kuta Menur. Baheula aya keneh babarit, tapi kulantaran datang KKN pasantren, acara pesta rakyat teh teu diayakeun deui, dianggap musrik sabab ngalibatkeun sasajen, tapi masarakat ngayakeun eta keur ngahormatan karuhun. Kulantaran teu ngayakeun deui ritual hajat desa, ahirna nu ngajaga desa kadatuan the pindah ka ciniru buyut saur, nu tadina ngajaga cicing di caringin alun-alun the ngaleungit pindah ka Buyut Saur. Aya oge mitos baheula nyaeta daerah Cirukem termasuk kadatuan pamekaran ti Cirukem mibanda panjagaan, hartina yen saha wae nu lain asalna ti desa kadatuan terus nincak daerah eta, nu boga elmu sakuat naon oge bakal leungit lamun elmu eta dipake keur nyilakakeun Matak teu warani ka desa kadatuan bisi elmuna teu bisa dipake.

Desa Kadatuan, Kec. Garawangi, Kab. Kuningan

Carita pohaci nu masih kamasyur di tanah pasundan ngeunaan ritual sukur kana hasil panen padi. Aya oge carita dewi pohaci nu masih dijadikeun cekelan keur barudak nu sok miceunan sangu, salian ti eta oge mitos sangu digoreng minyak saeutik pohacina ceurik. Salian ti eta aya oge cenah makam Panjang Syekh Muhibat anu jadi bagian panjaga desa Kadatuan katelahna leuweung larangan bari ngaitkeun kuda dina caringin. Ku margi kitu, desa Kadatuan jadi desa nu dikulilingan ku makam-makam tokoh nu ngalalana nu masih aya patalina pengaruh Kasepuhan Cirebon